اس آبشار سے سرد موسم میں آگ بہتی ہے! - ایکسپریس اردو 28

اس آبشار سے سرد موسم میں آگ بہتی ہے! – فرنٹیر نیوز

کیلیفورنیا: تصویر دیکھ کر ایسا لگ رہا ہے جیسے پہاڑ کی چوٹی پر برف جمی ہوئی ہے جس کے ایک طرف سے لاوا بہتا ہوا نیچے گر رہا ہے لیکن درحقیقت ایسا کچھ بھی نہیں۔

امریکا کے یوسمائٹ نیشنل پارک میں یہ آبشار ’’ہارس ٹیل فالز‘‘ کہلاتی ہے مگر اس کی وجہِ شہرت کچھ اور ہے۔ کبھی کبھار فروری کے مہینے میں، جب سردیوں کی شدت ختم ہورہی ہوتی ہے، پہاڑ پر جمی برف پگھلنے لگتی ہے اور یہ آبشار آہستہ آہستہ بہنے لگتی ہے۔

Advertisements

ان ہی دنوں میں اگر پہاڑ کی چوٹی پر برف موجود ہو، درجہ حرارت اتنا ہو کہ برف پگھلنا شروع ہوجائے، موسم بالکل صاف ستھرا ہو اور سورج ایک خاص زاویئے سے اس آبشار پر اپنی کرنیں بکھیر رہا ہو تو یوں لگتا ہے جیسے اس آبشار سے پانی نہیں بلکہ لاوا بہہ رہا ہے۔

اگرچہ یہ منظر ہر سال واقع نہیں ہوتا لیکن اسے دیکھنے کی خواہش میں ہر سال فروری کے مہینے میں لاکھوں لوگ ہارس ٹیل فالز کا رخ کرتے ہیں جس کی وجہ سے ارد گرد کے علاقے میں ٹریفک جام سمیت کئی مسائل پیدا ہوجاتے ہیں۔

ان حالات کے پیشِ نظر مقامی انتظامیہ نے ہارس ٹیل فالز کی جانب آمد و رفت کو محدود کردیا ہے لیکن پھر بھی ہزاروں کی تعداد میں من چلے یہاں پہنچ ہی جاتے ہیں۔

جب اس آبشار سے لاوا بہتا دکھائی دیتا ہے تو پھر وقتی طور پر بعض لوگ اسے ’’یوسمائٹ فائر فالز‘‘ (یوسمائٹ کا آتش شار) کا نام بھی دے دیتے ہیں، جو بہت برمحل ہوتا ہے۔

The post اس آبشار سے سرد موسم میں آگ بہتی ہے! appeared first on فرنٹیر نیوز.



2020-02-13 23:32:53

اس خبر پر اپنی رائے کا اظہار کریں

اپنا تبصرہ بھیجیں