سعودی عرب کی آئل کمپنی میں حادثہ، 2 ملازمین ہلاک - ایکسپریس اردو 24

سعودی عرب کی آئل کمپنی میں حادثہ، 2 ملازمین ہلاک – فرنٹیر نیوز

ریاض: سعودی عرب کی ایک آئل ریفائنری میں ہونے والے حادثے کے نتیجے میں 2 ملازمین ہلاک اور 2 شدید زخمی ہوگئے۔

عرب میڈیا کے مطابق سعودی عرب کی سرکاری آئل کمپنی آرامکو کے ریفائنری پلانٹ کی سالانہ اوور ہالنگ کے دوران ہونے والے ایک حادثے میں دو ملازمین ہلاک اور دو زخمی ہوگئے۔ حادثے کے وقت پلانٹ بند تھا جس کے باعث زیادہ جانی نقصان نہیں ہوا۔

Advertisements

ریسکیو اداروں نے امدادی کاموں کا آغاز کرتے ہوئے ہلاک اور زخمی ہونے والوں کو قریبی اسپتال منتقل کیا جہاں ایک زخمی کی حالت نازک بتائی جارہی ہے جب کہ دیگر ملازمین کو محفوظ مقام پر منتقل کردیا گیا ہے اور حالات قابو میں ہیں۔

یہ پڑھیں: سعودی عرب کی بڑی آئل فیلڈ پر ڈرون حملے

کمپنی کی انتظامیہ کی جانب سے جاری کردہ بیان میں کہا گیا ہے کہ پلانٹ پر پہلے سے طے شیڈول کے تحت مینٹی ننس جاری تھی۔ ملازمین کی حفاظت پہلی ترجیح ہے۔ کمپنی انتظامیہ اور حکومت نے ’حادثے‘ کی نوعیت کے متعلق کچھ نہیں بتایا۔

واضح رہے کہ ایک ماہ قبل سعودی عرب کے علاقے ابقیق میں آرامکو کے تیل کے 2 پلانٹس پر ڈرون حملے کیے گئے تھے جس سے شدید آگ بھڑک اُٹھی تھی۔ علاوہ ازیں آرامکو مشرقی بندرگاہ تک سپلائی لائن کی پمپنگ اور  آرامکو الشیبہ آئل فیلڈ کے ایک پروسیسنگ یونٹ کو دھماکا خیز مواد سے بھرے ڈرون سے نشانہ بنایا گیا تھا۔

The post سعودی عرب کی آئل کمپنی میں حادثہ، 2 ملازمین ہلاک appeared first on فرنٹیر نیوز.



2019-10-15 22:39:30

اس خبر پر اپنی رائے کا اظہار کریں

اپنا تبصرہ بھیجیں